«سوت وتىرىسىندا سوتتالۋشىلاردىڭ ءۇندىستان, پاكىستان, بانگلادەش جانە ءباا مەملەكەتتەرىندە ورنالاسقان «تابليعي جاماعات» حالىقارالىق ءدىني ۇيىمىنىڭ وقۋ ورىندارىنان ءبىلىم العانى انىقتالدى. وقۋدى اياقتاعاننان كەيىن ولار تىيىم سالىنعان ەكسترەميستتىك ۇيىمنىڭ يدەيالارىن الماتى وبلىسىندا ناسيحاتتاپ, 2016 جىلدىڭ سوڭىندا ماڭعىستاۋ جانە اتىراۋ وبلىستارىنا جولعا شىققان. سوتتالعانداردى ۇستاۋ كەزىندە ورىس جانە قىرعىز تىلدەرىندە تىيىم سالىنعان ءدىني كىتاپتار تاركىلەندى», - دەپ حابارلايدى اتىراۋ قالالىق №2 سوتىنىڭ ءباسپاسوز قىزمەتى.
سوتتا سوتتالۋشىلار كىنالارىن ءىشىنارا مويىندادى, ولارعا قولدانىلعان «كۇزەتپەن ۇستاۋ» بۇلتارتپاۋ شاراسى وزگەرىسسىز قالدىرىلدى. التى ازامات تا وتباسىلى جانە جۇمىسسىز.
سوت ۇكىمىمەن الماتى, شىعىس قازاقستان جانە اتىراۋ وبلىستارىنىڭ 6 تۇرعىنى قر قك-ءنىڭ 405 بابىنىڭ 1,2 بولىگىمەن كىنالى دەپ تانىلدى. ۇكىم بويىنشا ۇيىمنىڭ بەلسەندى مۇشەسىنە 3 جىل مەرزىمگە باس بوستاندىعىنان ايىرۋ جازاسى, ال ۇيىمنىڭ قالعان قاتىسۋشىلارىنا ەكى جىل مەرزىمگە باس بوستاندىعىنان ايىرۋ جازاسى تاعايىندالدى. ەندى ورتاشا قاۋىپسىزدىكتەگى تۇزەۋ مەكەمەسىندە جازالارىن وتەيدى.
باقىتگۇل باباش,
«ەگەمەن قازاقستان».
اتىراۋ.